Кириш Регистрация
28/03 19:00 Динамо 2-1 Металлург
29/03 19:00 ОКМК - Бунёдкор
29/03 19:15 Қизилқум - Локомотив
30/03 01:00 Лилль - Ланс
30/03 01:00 Кадис - Гранада
30/03 16:30 Наполи - Аталанта
30/03 17:30 Ньюкасл - Вест Хэм
30/03 18:00 Хетафе - Севилья
30/03 19:00 Женоа - Фрозиноне
30/03 19:00 Торино - Монца
30/03 19:00 Андижон - Насаф
30/03 19:00 Пахтакор - Сўғдиёна
30/03 20:00 Ноттингем Форест - Кристал Пэлас
30/03 20:00 Шеффилд Юнайтед - Фулхэм
30/03 20:00 Тоттенхэм - Лутон
30/03 20:00 Борнмут - Эвертон
30/03 20:00 Челси - Бёрнли
30/03 20:15 Альмерия - Осасуна
30/03 21:00 Метц - Монако
30/03 22:00 Лацио - Ювентус
30/03 22:30 Астон Вилла - Вулверхэмптон
30/03 22:30 Валенсия - Мальорка

Аргентина ўйини учун мактабда дарслар бекор қилинди, терманинг ЖЧдаги асосий рақиби ким? Бир механизмга айланган «альбиселесте»

Баҳо:
+ | -

Аргентиналик журналист ва шарҳловчи Факундо Гьонто Лионель Месси ва Аргентинанинг ЖЧ-2022даги ўйинлари ҳақида интервью берди.

- Аргентина терма жамоасидан қандай умидлар бор?

- Умидлар жуда яхши. Жамоа 2021 йилда Америка кубогини қўлга киритди. Биз кетма-кет 36 ўйиндан бери мағлубиятга учрамаяпмиз. Бунга эришиш учун кўп куч ва чидамлилик керак эди. Ёдингизда бўлса, Аргентина ёзда Италияга қарши ўйинда ғалаба қозонди, бу эса мухлислар ишончини қозониш нуқтайи назаридан жуда муҳим бўлди. Одамлар ниҳоят Аргентина жуда кучли эканлигига ишонишди. Унутмайлик, бизда ҳам жисмонан, ҳам руҳий жиҳатдан жуда яхши формада бўлган Месси бор. У ҳали ўз сўзини айтади.

Аргентинада одамлар жамоадан жуда мамнун. Биз Лионель Скалони ва унинг мураббийлар штабига тўлиқ ишонамиз. Штабда Уолтер Самуэль, Пабло Аймар, Роберто Айяла бор, уларнинг барчаси ажойиб ўйинчилар эди ва энди улар бошқача ҳикоя ёзишмоқда. Жамоада ҳамма ҳам мукаммал эмас, йўқотишлар бор. Жароҳат олган Хоакин Корреа, Жовани ло Чельсо ва Николас Гонсалес. Ло Чельсо - жуда катта йўқотиш, лекин Гонсалес ҳам ажойиб футбол кўрсатди, у ҳам жуда муҳим. Одамлар эслайдиларки, Аргентина 2002 йилги жаҳон чемпионатига ажойиб формада борган, кейин жароҳатлар туфайли кўп муаммолар бўлган, якунда гуруҳдан чиқолмаган.

Шундай қилиб, айтишим мумкинки, эртага бутун Аргентина ўз кучини кўрсатишга мажбур. Эрталаб барча футбол томоша қилади. Мактабда дарслар кечроққа қолдирилган, офис иши кечроқ бошланади, уйда ишлайдиганлар эса мате ичиб, терма жамоани хурсанд қилишади.

- Аргентина терма жамоаси ҳозир 2018 йилдагидан кучлими?

- Шубҳасиз, Аргентина терма жамоаси ҳозир 2018 йилдагидан анча кучли. Биз саралашдан жуда ишончли ўтдик, кетма-кет 36 учрашувдан бери мағлубиятга учрамаяпмиз, жуда кучли таркибга эгамиз, бош мураббийни футболчилар, матбуот ва мухлислар тўлиқ қўллаб-қувватламоқда. Энди Аргентина ҳақиқий оилага айланган. Мен бундай бирликни эслай олмайман.

2018 йилда жаҳон чемпионатига саралаш босқичидан ёмон ўтган эдик, жамоа майдонда кўпроқ азоб чекди ва унчалик яхши футбол кўрсатмади. Айтишимиз мумкинки, у Мессига жуда боғлиқ эди. Илгари Аргентина терма жамоасини «Месси ва бошқа 10 киши» деб аташ мумкин эди, энди эса бу жамоада Месси бир механизм сингари мавжуд. Бу ҳали ҳам жуда катта фарқ дегани.

Бош мураббий Хорхе Сампаоли футболчилар, матбуот ва айниқса, мухлислар ишончидан баҳраманд бўлмади. Қолаверса, Сампаоли ЖЧ вақтида мураббийлар штаби билан катта муаммоларга дуч келганини кейинроқ билдик. Миш-мишларга кўра, Францияга мағлуб бўлганидан кейин у ва ёрдамчилардан бири ўртасида кийим алмаштириш хонасида жанжал келиб чиққан.

- Аргентинада сизни ажаблантирадиган футболчилар борми?

- Ҳозирги Аргентина терма жамоасида ажаблантирадиган футболчилар йўқ, деб ўйламайман. Уларнинг барчаси ўз жамоаларида яхши савияда ўйнашмоқда.

Бироқ, ўйлайманки, Хулиан Альварес ва Энцо Фернандес учун бу турнир ўзларини исботлаш ва бутун дунё одамлари томонидан янада яхшироқ эслаб қолиш учун яхши имконият бўлиши мумкин.

Мен Пауло Дибалага ҳам ишонаман, у ҳар доим ҳам биринчи ролларда бўлмайди, лекин бу ерда у ва Месси яхши тўпга эга бўлса, ўзини энг яхши томондан кўрсатиши мумкин.

- Аргентинанинг жаҳон чемпионатидаги асосий рақиби ким?

- Аргентина термасининг асосий рақиби ҳар доим Бразилия термаси ҳисобланади. Нима бўлишидан қатъий назар, биз ҳар доим бу жамоани мағлуб этишни хоҳлаймиз. Германия ҳар доим Германия бўлиб қолади, терма жамоа 4 марта жаҳон чемпионатида ғалаба қозонган ва 4 марта кумуш медални қўлга киритган. Мамлакатимизда ҳамма улар билан тез-тез муаммоларга дуч келганимизни эслайди. Бельгия терма жамоаси ҳам Қатарда яхши ўйин кўрсатади, деб ўйлайман. Финалда Аргентина ва Бельгия ўйнайди ва Аргентина ғалаба қозонади, мана менинг башоратим», — дейди журналист.

Манба: euro-football.ru
Киритилди: 10:46, 22.11.2022.
Ўқилди: 2932 марта.
Фикрлар: 1 та.

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.