Роберт Левандовски ЖЧ-2022да белгиланган биринчи пенальтидан фойдалана олмади.
Мексика - Польша (0:0, иккинчи бўлим ўтиб бормоқда) терма жамоалари ўртасидаги учрашувининг 56-дақиқасида австралиялик ҳакам Крис Бит видеотакрорни ўрганиб чиқиб, Левандовскига нисбатан қўполлик ишлатгани учун польшаликлар фойдасига пенальти белгилади.
"Барселона"нинг 34 ёшли ҳужумчиси нуқтага борди ва Гилермо Очоани доғда қолдира олмади - 37 ёшли дарвозабон пастки чап бурчакдан тўпни қайтарди.
Эслатиб ўтамиз, Роберт жаҳон чемпионатларида ўтказган 4 ўйинида бирорта ҳам гол ура олмаган. У 2018 йил Россияда бўлиб ўтган жаҳон чемпионатида дебют қилган.
