Англия терма жамоаси ва "Тоттенхэм" клубининг собиқ ҳужумчиси Даррен Бент ижтимоий тармоқларда Криштиану Роналдунинг “Манчестер Юнайтед”ни тарк этиши ҳақида фикр билдирди. Томонлар бугун, шартномани муддатидан олдин бекор қилишди.
"Ушбу воқеа шундай тугагани ачинарли. Криштиану тарихдаги энг буюк футболчилардан бири. Бироқ, бош мураббий Тен Хаг уни жамоада қолишига йўл қўя олмади", - деб пост қолдирди Даррен Бент ижтимоий тармоқларда.
Эслатиб ўтамиз, Роналду яқиндагина шов-шувли интервьюсида нидерландиялик мураббийни ҳурмат қилмаслигини айтган эди.
Англия чемпионатининг жорий мавсумида португалиялик ҳужумчи ўнта жангда битта гол урди.
