«Манчестер Сити» ва Испания терма жамоаси ярим ҳимоячиси Родри бош мураббий Хосеп Гвардиола ва Луис Энрике ўртасидаги ўхшашлик ҳақида гапирди.
Кўпчилик икки машҳур испан мураббийининг футбол тамойиллари деярли бир хил эканини таъкидлаган ва Родри бунга тўлиқ қўшилади:
«Гвардиола ва Энрикега тахминан бир хил талаблар бор: ташаббусни ўз қўлига олиш ва юқори прессингни қўллаш истаги билан жуда ўхшаш ўйин услуби.
Баъзи тафсилотларда озгина фарқлар бор, лекин умуман олганда уларнинг ўхшашлиги мослашишга ёрдам беради.
Кўп нарса жамоада ўйнайдиган футболчиларга ҳам боғлиқ: масалан, агар сизда Эрлинг Холанд типидаги ҳужумчи бўлса, тўпни жарима майдончасига тезроқ етказишга ҳаракат қиласиз», - дея испаниялик ярим ҳимоячининг сўзларини келтиради Guardian.
