Германия терма жамоаси ярим ҳимоячиси Жошуа Киммих жамоасининг кайфияти ҳақида гапирди.
2018 йилда Германия терма жамоаси амалдаги жаҳон чемпиони бўлиб, сенсацион тарзда гуруҳдан чиқа олмаган эди.
“Биз ушбу турнирга ажойиб мотивация билан келдик. Тўрт ярим йил ўтди, биз жаҳон чемпионатида яна ўзимизни кўрсатиш имкониятини жуда узоқ кутдик.
Биринчи ўйин жуда муҳим. Ишончим комилки, биз йўлимизни ғалаба билан бошлашга қодирмиз», - деди Киммих матбуот анжуманида.
Қатар мундиалининг гуруҳ босқичи 1-тури доирасида Германия терма жамоаси япониялик рақибларига қарши майдонга тушади. Учрашув 23 ноябрь куни бўлиб ўтади.
