"Рома" "Буде-Глимт" ҳужумчиси Ола Сольбаккен билан шартнома имзолаганини эълон қилди.
24 ёшли норвегиялик футболчи текинга Италия клубига ўтди. Унинг римликлар билан келишуви 2023 йилнинг 2 январидан кучга киради ва 2027 йилнинг июнь ойи охиригача амал қилади.
Футболчи "Рома"да 18-рақам остида ўйнайди.
Ола Сольбаккен 2020йилнинг январидан бери "Буде-Глимт" сафида тўп суриб келаётган эди. Жорий мавсумда у жамоа сафида 23 ўйинда 4 та гол урди ва 8 та голли узатмани амалга оширди.














