"Манчестер Юнайтед" ҳужумчи Криштиану Роналду билан шартнома бекор қилинганидан кейин 20 миллион евро тежайди. Бу ҳақда журналист Фабрицио Романо ижтимоий тармоқларида хабар бермоқда.
Манбага кўра, португалиялик футболчи билан ҳамкорликни муддатидан олдин тўхтатган "қизил иблислар" энди Роналдуга шартноманинг қолган муддати учун маош сифатида тўланиши керак бўлган 20 миллион евро миқдоридаги товон пулини тўлаши шарт эмас.
Клуб режаси шу пулни июль ойида янги ҳужумчи сотиб олиш учун сармоя қилиш эди, бироқ ҳужумчиларнинг ҳозирги ҳолати клубни январь ойидаёқ трансфер бозорига киришга мажбур қилиши мумкин.
