Лондон-2012 ташкилотчилари мусобақалар пайтида нима учун трибуналарда бўш ўриндиқлар қолиб кетаётгани ҳақида бош қотирмоқдалар, дейди The Telegraph.
Ўша трибуналарга ажратилган чипта ва таклифномалар тўлиғича сотилганига қарамасдан, бўш жойларнинг кўп эканлиги ташкилотчиларнинг бу борада қаттиқ бош қотиришларига сабаб бўлмоқда. Мусобақа матбуот ҳизмати бошлиғи бу борада шундай дейди.
"Ҳақиқатдан ҳам барча чипталар сотилган, таклифномалар ҳам ўз эгаларига етиб борган. Ўша бўш қолиб кетаётган жойлар мусобақа ҳомийлари, ОАВ, халқаро федерациялар ҳамда ишчи гуруҳларнининг жойлари эканлигини аниқладик", дейилади баёнотда.
"Биз аккредитациядан ўтган журналистлар, федерация ҳодимлари ва меҳмонлар учун ўриндиқлар сонини қисқартирдик. Бу аввалги олимпиададаларга қараганда тезда билинади. Биз кўпроқ мухлисларга трибуналардан жой беришни афзал билдик. Аммо шундай бўлсада, бўш ўриндиқлар қолиб кетмоқда. Айни пайтда фақатгина ўша бўш ўриндиқларда кимлар ўтириши керак бўлгани ва нима учун ўтирмаганини аниқлашимиз керак. Шундан кейин бунинг чорасини излаб кўрамиз, дея матбуот ҳизмати вакилининг сўзларидан парча келтираяпти The Telegraph нашри