Ганалик футболчи Усмон Букари Португалия дарвозасига гол урганидан сўнг Криштиану Роналдунинг гол нишонлашини такрорлади.
Букари ижтимоий тармоқлар орқали вазиятга изоҳ берди.
«Мен ушбу ҳаракатим туфайли кўпчилик томонидан Роналдуга нисбатан ҳурматсизлик қилганим ҳақидаги фикрларни пайқадим.
Бу ҳақиқат эмас. Жаҳон чемпионатидаги дебют ўйинимда ватаним учун урилган голдан шунчаки ҳаяжонга тўлиб кетдим, шунинг учун ҳам шундай байрам қилдим.
Менинг тарбиям катталарга ҳурматсизлик қилишимга йўл қўймайди», деб ёзади Букари.
Эслатиб ўтамиз, Гана терма жамоаси пайшанба оқшомида Португалияга 2:3 ҳисобида имкониятни бой берган эди. Иккинчи турда «қора юлдузлар» Жанубий Кореяга қарши баҳс олиб боради.
