Бразилия терма жамоаси ҳужумчиси Рафинья ЖЧ-2022 гуруҳ босқичида жароҳат олган ва бошқа ўйнамайдиган жамоадоши Неймарни қўллаб-қувватлади.
«ПСЖ» футболчиси Сербия билан ўйиндан кейин (2:0) танқидларга учради.
«Аргентиналик мухлислар Мессига худодек муносабатда бўлишади. Португаллар Роналдуга қиролдек муносабатда бўлишади.
Бразилияликлар эса Неймарни танқид қилмоқда. Бразилияда туғилгани унинг айбими? Бу мамлакат унинг иқтидори ва футболига лойиқ эмас», — деб ёзди Рафинья ижтимоий тармоқда.
Бразилия энди гуруҳ босқичида Швейцария (28 ноябрь) ва Камерун (2 декабрь) билан куч синашади.
