“Пахтакор” – “Андижон” учрашувидан сўнг бўлиб ўтган матбуот анжуманида тошкентликлар устози иштирок этди.

Мурод ИСМОИЛОВ (“Пахтакор” бош мураббийи): - Учрашув ҳар икки жамоа учун жуда оғир ўтди. Чунки танаффусдан кейин футболчилар ҳали аввалги формаларига қайтиб улгуришмаган. Бу яққол сезилиб турди. Фақат иккинчи тайм охирларида биз ўйин сифатини яхшиладик ҳамда рақиб дарвозасига икки тўп киритдик. Кейинги учрашувларга шогирдларим яхшироқ тайёр бўлишади деб умид қиламан. Тўпни назорат қилишимиз кўнгилдагидек, лекин ҳужумда ижодкорлик етишмаяпти. Айнан шу ҳолат устида машғулотда иш олиб борамиз.