Туриннинг "Ювентус" клубининг собиқ футболчиси, ҳозирда Канаданинг "Торонто" клубида тўп сураётган Федерико Бернардески португалиялик ҳужумчи Криштиану Роналдунинг "Манчестер Юнайтед"ни тарк этганидан кейинги келажаги ҳақида ўз фикрлари билан ўртоқлашди.
"КриРонинг келажаги? Билмайман, балки у вариантни АҚШда танлар... Жаҳон чемпионатига келсак, бу унинг учун муваффақиятли турнир бўлади. Бу менинг фикрим. Менимча, у кўпроқ рағбатга эга бўлиш учун атайлаб шундай вазиятни яратганга ўхшайди", - дея Бернардески сўзларидан иқтибос келтиради Gazzetta dello Sport.
Роналду ва "Манчестер Юнайтед" ўртасидаги шартнома бекор қилингани 22 ноябрь куни эълон қилинган эди.
37 ёшли ҳужумчи айни дамда Португалия терма жамоаси сафида Қатарда бўлиб ўтадиган ЖЧ-2022да ўйнамоқда.
