"Барселона" президенти Жоан Лапорта клуб қишки трансфер ойнасида ўз таркибига янги футболчи қўшиб олмаслигини айтди.
“Бизда жуда рақобатбардош жамоа бор. "Барселона" жаҳон чемпионатида энг кўп ўйинчиси иштирок этаётган жамоа. Бу биз яхши иш қилаётганимизни кўрсатади. Шунингдек, Хавининг ажойиб ишини ҳам қайд этиш керак.
Кутилмаган воқеа рўй бермаса, қишда трансферларни амалга оширмаймиз. Ёзда биз дастаклар билан ишладик ва яхши жамоа туздик. Чемпионлар лигасидан тушиб кетганимизга қарамай, натижалардан мамнунмиз.
Ла Лига бизни тобора кўпроқ чекламоқда. Лига раҳбарияти тобора қаттиққўл қоидаларни жорий этишда давом этмоқда. Умид қиламанки, FFP қоидаларидаги мослашувчанлик устун туради", - дея Лапорта сўзларини келтиради Marca.
