"ПСЖ" хўжайини ва президенти Носир Ал-Хелайфи ҳужумчи Килиан Мбаппенинг кетиши мумкинлиги ҳақидаги миш-мишларга изоҳ берди.
“Мен бу саволга ҳар ой, ҳар ҳафта ва ҳар куни жавоб беришим керак. У яқиндагина шартномасини янгилади, барчамиз бундан хурсандмиз. Жамоа мавсумда бирорта ҳам ўйинда мағлуб бўлмади, шунингдек ўз уйимизда ўтказган кетма-кет 100 ўйин чипталарини тўлиқ сотганмиз", - дея Ал-Хелайфидан иқтибос келтиради Marca.
23 ёшли франциялик футболчи 2018 йилнинг июлидан бери "ПСЖ" сафида тўп суради. Бу вақт ичида у франтсуз клуби сафида 237 та ўйин ўтказиб, 190 та гол урган ва 93 та голли узатмани амалга оширган.
