"ПСЖ" ва Португалия терма жамоаси ҳимоячиси Нуну Мендеш ЖЧ-2022нинг қолган қисмини ўтказиб юборади, деб хабар беради Record.
Футболчи гуруҳ босқичининг 2-турида Уругвайга (2:0) қарши ўйинда чап сон қисмидан жароҳат олганди. Футболчи йиғлаб майдонни тарк этди.
20 ёшли Мендеш Қатардаги турнир якунланмагунча жароҳатини тиклашга улгурмайди.
Икки турдан кейин Португалия 6 очко билан H гуруҳида пешқадамлик қилмоқда ва муддатидан аввал ЖЧ-2022 1/8 финалига чиқишни кафолатлади. Гуруҳ босқичининг 3-турида португаллар Кореяга қарши баҳс олиб боради (2 декабрь).
