Бельгия терма жамоаси дарвозабони Тибо Куртуа ЖЧ-2022 гуруҳ босқичи 3-турида Хорватия билан дуранг (0:0) ҳақида фикр билдирди. Бельгияликлар Қатардаги турнирнинг плей-офф босқичига чиқа олишмади.
“Биз "олтин авлод" эмасмиз, лекин биз кўплаб иқтидорли ва ажойиб футболчиларга эга авлодмиз. Россияда яхши ўйнай олишимизни кўрсатдик. Аммо сўнгги евро ва ушбу жаҳон чемпионатида ўзимиз эмас эдик. Бу бироз уятли. Кўрамиз, ким кетади, ким қолади.
Бу биз хоҳлаган нарса эмас эди. Лекин бошиданоқ учта қийин рақибга дуч келишимизни билардик. Ғалаба қозониш учун қўлимиздан келганини қилдик, аммо... Бу футбол", - дея Куртуа сўзларини келтиради RMC Sport.
