Испания ОАВ Германия терма жамоасининг ЖЧ-2022даги муваффақиятсизлигига муносабат билдирди.
AS журналистлари немис тилидан таржима қилинган «раҳмат» деган маънони англатувчи Danke сарлавҳали мақола чоп этишди.
Эслатиб ўтамиз, Испания терма жамоаси сўнгги турда Япония термасига 1:2 ҳисобида имкониятни бой берган, Германия эса Коста-Рикани мағлуб этганди - 4:2.
Бу натижалардан кейин «қизил фурия» квартетда иккинчи ўринни эгаллаб, плей-офф босқичига йўл олди. Япония гуруҳ ғолиби бўлди ва энди Хорватия билан тўқнаш келади.
