Луис Суарес "Ливерпуль" футбол клуби тарихидаги энг яхши ҳужумчилардан биридир. Аммо унинг омадли даврлари 2014 йилдан кейин, футболчи "Барселона"га кўчиб ўтгач, содир бўлади. Унинг мерсисайддаги сўнгги мавсуми 31 та гол билан якунланади. Қуйида у билан 2014 йилнинг ёзида сотиб юборилган беш футболчининг тақдири қандай кечганига эътибор қаратамиз.
Конор Коади
Коади ўзи тарбияланган клуби томонидан 500 минг фунт эвазига "Хаддерсфилд"га сотиб юборилади. Коди ўзини бир йил ўтгач, "Вулверхэмптон" сафида кўрсата олди. У жамоасини АПЛга олиб чиқади. Марказий ҳимоячи ўтган мавсумда "Эвертон"га ижарага бериб юборилади. Коди Англия терма жамоасига чақирув олди. Аммо мундиалнинг гуруҳ баҳсларида қатнашмади.
Пепе Рейна
Рейна "Энфилд"ни мухлисларга севимли бўлиб тарк этди. Испаниялик дарвозабон "Бавария"га йўл олади. Ундан кейин эса "Наполи"га бориб қўшилади. Бу давр мобайнида Рейна Бундеслига чемпиони бўлди ва Италия кубогини қўлга киритди. Айни дамда қаҳрамонимиз 40 ёшда ва "Вильярреал" шарафини ҳимоя қилмоқда.
Мартин Келли
Келли "Ливерпуль" сафида атиги 5 та баҳсда майдонга тушган. Кўп ўтмай у "Кристал Пэлас"га сотиб юборилади. Ҳимоячи лондонликлар сафида фойдали ўйинлар кўрсатди ва таркибнинг барқарор аъзосига айланди. Аммо жароҳатлар унинг фаолиятига соя солди. Шу сабабдан 32 ёшли футболчи сўнгги 2 мавсумда атиги 3 та баҳсда иштирок этди. Унинг ҳозирги тақдири номаълум.
Жек Робинсон
"Ливерпуль" сафида ўйин ўтказган иккинчи энг ёш футболчи Жек эди. У "Блэкпуль" ва "Вулвз"да ижарада юрди. Орадан бир йил ўтиб эса "ҚПР"га сотиб юборилди. Унинг АПЛга қайтиши 2019 йилда "Шеффилд Юнайтед" билан юз берди. Ҳа, бу давр узоққа чўзилмади. Аммо Робинсон ҳали ҳам "тиғчилар" шарафини ҳимоя қилмоқда.
Даниэль Аггер
Рейна каби Аггер ҳам мухлислар ардоғида жамоани тарк этади. 8 йиллик хизматларидан кейин даниялик ҳимоячи ўз она юртига қайтади. У ерда Аггер "Брондбю" шарафини ҳимоя қила бошлади. Футболчи "Ливерпуль" либосида 232 марта майдонда ҳаракат қилган. У жамоа билан мамлакат кубоги ва лига кубогини қўлга киритган. Айни дамда Аггер мураббийлик фаолияти билан шуғулланмоқда.
ИСМАТОВ Ж.
