Жаҳон чемпионати 3-туридан ўрин олган Канада ва Марокаш ўйинида ишлаган турк шарҳловчиси Алпер Бакиржигил жаҳон чемпионати тарихидаги энг эрта гол туркиялик ҳужумчи Хокон Шукур томонидан киритилгани ҳақида гапиргани учун дисквалификация қилинди. Бу ҳақда TRT хабар бермоқда.

Манбага кўра, Бакиржигил агентликдан огоҳлантириш олган ва ўз фаолиятини давом эттирмоқда. Аввалроқ у телеканалдан ишдан олингани хабар қилинганди.

Қайд этилган интизомий чоралар сиёсий жиҳатлар билан боғлиқ бўлиши мумкин. Хокон Шукур футболдаги фаолиятини якунлагач, сиёсатга кириб келди. 2015-йилда ҳукумат спортчини радикал мухолифат билан алоқада бўлганликда айблаган ва у мамлакатни тарк этган. У ҳозирда АҚШда истиқомат қилади, у ерда такси ҳайдовчиси бўлиб ишлайди.