Ўтган ҳафта The Athletic нашри "Ливерпуль"нинг амалдаги спорт директори Жулиан Уорд тез орада истеъфога чиқиши мумкинлиги ҳақида хабар берган эди. Эҳтимол, бу лавозимни Свен Мислинстат эгаллайди.
"Штутгарт"дан олдин Свен Дортмунд ва "Арсенал"да ишлаган ва шу ерда ўз номини қозонган. Келинг, Мислинстатнинг фаолиятидаги энг яхши қарорлари унга "Ливерпуль" ишончини қозонишга ёрдам берганини кўриб чиқамиз.
• "Серезо Осака"дан Шинжи Кагаванинг трансфери
2010 йилда Дортмунд Япониянинг энг яхши иқтидорли футболчиларидан бирини бепул қўлга киритди. Кагава икки йил давомида Клоппнинг асосий ўйинчиси бўлди, кейин эса "Манчестер Юнайтед"га 16 миллион еврога сотилди.
• "Лех"дан Роберт Левандовски
Бир нечта жамоалар Левандовски билан таваккал қилишга тайёр эди, уни одатий британиялик ҳужумчи ва Иккинчи дивизион ўйинчиси деб аташган. Ҳаммаси 2010 йилнинг ёзида Робертни "Блэкберн" билан шартнома имзолашга қараб кетаётган эди, аммо Мислинстат вазиятга аралашиб, Дортмундни Лева билан шартнома имзолашга кўндиради.
Польша клубига ўтказилган беш миллион евро "Боруссия"га замонавий тарихдаги энг яхши йилларни олиб келди: Бундеслигада иккита ғалаба ва Чемпионлар лигасида кумуш медаль.
• "Ньюрнберг"дан Илкай Гюндоган
Гюндоган ҳам Мислинтатнинг кашфиётларидан бири. 2011 йилда дортмундликлар унинг учун 5,5 миллион евро тўлаган бўлса, 5 йилдан сўнг "Ман Сити"га 27 га сотди.
Милсинстатнинг энг катта трансфери - Обамеянг. Свен Арсен Венгер ва "Арсенал" раҳбарларини габонлик ҳужумчи учун 64 миллион евро тўлашга кўндирган. Обамеянг Дортмундда порлади, Мислинстат эса футболчини шахсан танир эди - таваккал трансфер Лондонда ўзини оқлади десак, янглишмаган бўламиз.
Кейинчалик, Обамеянг "Арсенал"да турли хил муаммоларга ўралашиб қолди ва айнан шу муаммолар сабаб "Барселона"га ўтди, аммо унутмангки, Пьер-Эмерик лондонликлар учун 163 ўйинда 92 та гол урган.
