O‘tgan hafta The Athletic nashri "Liverpul"ning amaldagi sport direktori Julian Uord tez orada iste’foga chiqishi mumkinligi haqida xabar bergan edi. Ehtimol, bu lavozimni Sven Mislinstat egallaydi.
"Shtutgart"dan oldin Sven Dortmund va "Arsenal"da ishlagan va shu yerda o‘z nomini qozongan. Keling, Mislinstatning faoliyatidagi eng yaxshi qarorlari unga "Liverpul" ishonchini qozonishga yordam berganini ko‘rib chiqamiz.
• "Serezo Osaka"dan Shinji Kagavaning transferi
2010 yilda Dortmund Yaponiyaning eng yaxshi iqtidorli futbolchilaridan birini bepul qo‘lga kiritdi. Kagava ikki yil davomida Kloppning asosiy o‘yinchisi bo‘ldi, keyin esa "Manchester Yunayted"ga 16 million yevroga sotildi.
• "Lex"dan Robert Levandovski
Bir nechta jamoalar Levandovski bilan tavakkal qilishga tayyor edi, uni odatiy britaniyalik hujumchi va Ikkinchi divizion o‘yinchisi deb atashgan. Hammasi 2010 yilning yozida Robertni "Blekbern" bilan shartnoma imzolashga qarab ketayotgan edi, ammo Mislinstat vaziyatga aralashib, Dortmundni Leva bilan shartnoma imzolashga ko‘ndiradi.
Polsha klubiga o‘tkazilgan besh million yevro "Borussiya"ga zamonaviy tarixdagi eng yaxshi yillarni olib keldi: Bundesligada ikkita g‘alaba va Chempionlar ligasida kumush medal.
• "Nyurnberg"dan Ilkay Gyundogan
Gyundogan ham Mislintatning kashfiyotlaridan biri. 2011 yilda dortmundliklar uning uchun 5,5 million yevro to‘lagan bo‘lsa, 5 yildan so‘ng "Man Siti"ga 27 ga sotdi.
Milsinstatning eng katta transferi - Obameyang. Sven Arsen Venger va "Arsenal" rahbarlarini gabonlik hujumchi uchun 64 million yevro to‘lashga ko‘ndirgan. Obameyang Dortmundda porladi, Mislinstat esa futbolchini shaxsan tanir edi - tavakkal transfer Londonda o‘zini oqladi desak, yanglishmagan bo‘lamiz.
Keyinchalik, Obameyang "Arsenal"da turli xil muammolarga o‘ralashib qoldi va aynan shu muammolar sabab "Barselona"ga o‘tdi, ammo unutmangki, Pyer-Emerik londonliklar uchun 163 o‘yinda 92 ta gol urgan.
