Аргентиналик мураббий Марсело Бьелса Уругвай терма жамоасини бошқариши мумкин, дея хабар беради TyC Sport журналисти Хоакин Бруно.

Маҳаллий футбол федерацияси раҳбарияти 67 ёшли мутахассис жамоага ЖЧ-2026 саралашига ёрдам беради, деб ҳисобламоқда.

Бьелса аввалроқ терма жамоалар билан ишлаган. 1998 йилдан 2004 йилгача у Аргентина терма жамоасини бошқарган, у билан 2002 йилги жаҳон чемпионатида гуруҳдан чиқа олмаган. 2007 йилдан 2010 йилгача у Чили термасини бошқарган ва у билан 2010 йилги Жаҳон чемпионатида 1/8 финалгача етиб борган (1/4 финалга чиқиш учун баҳсда Бразилияга 0:3 ҳисобида мағлуб бўлган).

Мураббий "Лидс"дан ҳайдалганидан кейин феврал ойидан бери ишсиз.