Туриннинг "Ювентус" клуби январ ойида фаол трансфер кампаниясини ўтказишни режалаштирмаяпти. Бу ҳақда Gazzetta dello Sport нашри хабар бермоқда.
Манба берган хабарга кўра, "кекса синьора" ҳимоя чизиғида фақат битта футболчи билан шартнома имзолаши мумкин. Рик Карсдорп ("Рома") ва Испаниянинг "Вильярреал" вакили Иван Фреснеда Италия грандининг шорт-листидан жой олишди.
Италия чемпионатининг 15-туридан сўнг Массимилиано Аллегри шогирдлари турнир жадвалида учинчи ўринда бормоқда. Туринликлар пешқадам “Наполи”дан ўн очко ортда қолмоқда.
"Ювентус" А Сериядаги навбатдаги ўйинини 4 январ куни "Кремонезе"га қарши ўтказади.
