Оливье Жирунинг фикрича, Килиан Мбаппе Франция терма жамоаси сафида гол уриш бўйича ўзининг рекордини янгилайди.

Польша дарвозасига урилган гол миланлик футболчи учун 52-гол бўлди ва бу унга Тьерри Анрининг рекордини (51 гол) янгилаш имконини берди.

“Биз бу рекорддан тўлиқ завқ олишимиз керак. Килиан тез орада менга етиб олади. У мендан ўзиб кетишни мақсад қилган.

Мбаппе юксалишда давом этмоқда ва яна иккита ажойиб гол урди. У ажойиб таассурот қолдиришда давом этмоқда, унинг нималарга қодирлигини ҳаммамиз биламиз. Яна нима дейиш мумкин? - деди Жиру.

Мбаппе Франция терма жамоаси сафида 63 та ўйинда 33 та гол урган. Жиру ҳисобида 117 та ўйинда 52 та гол бор.