Туриннинг "Ювентус" клуби Италия А Сериясидан четлатилиши мумкин. Бу ҳақда адвокат Маттиа Грассанига таяниб Repubblica нашри хабар бермоқда.
Аввалроқ Италиянинг 36 карра чемпиони молиявий жиноятларда гумон қилинаётгани хабар қилинганди. Манбага кўра, давом этаётган тергов "Ювентус" учун ўз тарихидаги энг қийини бўлиши мумкин. Клуб B серияга тушиб кетиш хавфи остида.
Эслатиб ўтамиз, 2006 йилда коррупция можароси туфайли "Ювентус" қуйи дивизионда ўйнашга мажбур бўлганди.
А Сериянинг 15-туридан сўнг “кекса синьора” ўз ҳисобида 31 очко жамғарган ҳолда турнир жадвалида учинчи ўринни эгаллаб турибди.
