Turinning "Yuventus" klubi Italiya A Seriyasidan chetlatilishi mumkin. Bu haqda advokat Mattia Grassaniga tayanib Repubblica nashri xabar bermoqda.
Avvalroq Italiyaning 36 karra chempioni moliyaviy jinoyatlarda gumon qilinayotgani xabar qilingandi. Manbaga ko‘ra, davom etayotgan tergov "Yuventus" uchun o‘z tarixidagi eng qiyini bo‘lishi mumkin. Klub B seriyaga tushib ketish xavfi ostida.
Eslatib o‘tamiz, 2006 yilda korrupsiya mojarosi tufayli "Yuventus" quyi divizionda o‘ynashga majbur bo‘lgandi.
A Seriyaning 15-turidan so‘ng “keksa sinyora” o‘z hisobida 31 ochko jamg‘argan holda turnir jadvalida uchinchi o‘rinni egallab turibdi.
