Португалия терма жамоаси ҳужумчиси Криштиану Роналду Европанинг топ-клубларидан таклиф кутмоқда, деб ёзади инсайдер Николо Скира ўзининг "Твиттер"даги саҳифасида.
Манбага кўра, Роналду Саудия Арабистонининг “Ан-Наср” клуби билан шартнома имзолашдан олдин Чемпионлар лигасида ўйнайдиган жамоаларнинг таклифларини кўриб чиқмоқчи. "Ан-Наср" ўйинчига реклама мажбуриятларидан ажратмаларни ҳисобга олган ҳолда 2,5 йиллик шартнома таклиф қилди. Скиранинг фикрича, Роналду учун пул муҳим эмас ва 37 ёшли ҳужумчининг агенти Жорже Мендеш Европа клубларини топиш устида ишламоқда.
Олдинроқ Роналду "Ан-Наср"га ўтиш бўйича шартнома имзолагани ҳақида хабар берилганди. Футболчининг ўзи рад жавобини берди. Ноябрь ойида "Манчестер Юнайтед" билан шартномаси бекор қилинганидан сўнг, Роналду эркин агентга айланган.
