“Милан” ва Франция терма жамоаси ҳужумчиси Оливье Жиру келажаги ҳақида фикр билдирди.

"Милан"га келганимда, янги чақирувни қабул қилиш вақти келганди. Бунинг учун клуб менга катта имконият берди. Ўйлайманки, мени юқори даражадаги яна бир неча йил кутмоқда. Ҳалигача майдонда ўзимни кўрсата оляпман, фойдали ишлар қила оляпман. Айни дамда ўзимни "Милан"да яхши ҳис қиляпман. Биз Италия чемпионига айландик, лекин бу билан тўхтаб қолмоқчи эмасмиз", - деди 36 ёшли франциялик ҳужумчи.

Оливье Жиру 2021 йилда "Милан"га ўтган эди. Жамоа билан биргаликда у 2022 йилда Скудеттони қўлга киритган. Жиру “россонерилар” сафида 57та ўйинда майдонга тушиб, 23та гол урган ва 9та голга ассистентлик қилган. ЖЧ-2022да Жиру учта ўйинда учта гол урди. Франция терма жамоаси чорак финалга чиқди ва у ерда Англия билан учрашади.