"Севилья"нинг даниялик ҳужумчиси Каспер Дольберг "Хоффенхайм"га ўтишга яқин турибди, деб ёзди журналист Николо Скира твиттерда.
Манбага кўра, немис клуби футболчини қишки трансфер ойнасида сотиб олиш ҳуқуқи билан ижарага олади.
25 ёшли Дольберг "Ницца"га тегишли ва андалусияликлар сафида ижара асосида ўйнайди. Жорий мавсумда у "Севилья" ва Дания терма жамоаси таркибида барча мусобақаларда 14 та ўйинда майдонга тушиб, битта гол урди ва битта голли узатмани амалга оширди. Унинг клуб билан шартномаси 2024 йилнинг ёзига қадар мўлжалланган.