"Барселона" спорт директори Йорди Кройфф ярим ҳимоячи Франк Кессьэнинг январь ойида қўйиб юборилмаслигини айтди.
Ивуарлик футболчи ҳали Каталония клубида ўзини кўрсата олмади, шунинг учун миш-мишлар уни Италия А Сериясига қайтиши мумкинлиги билан фаол боғлашмоқда. Шунингдек, Кессьэга даъвогарлар орасида Англия Премер-лигаси вакиллари ҳам бор.
Кройффнинг сўзларига кўра, ярим ҳимоячи қишда клубни тарк этмайди: "Мен бу хабарни ўқиб чиқдим, аммо шуни айта оламанки, Кессьэ билан хайрлашиш бизнинг режаларимизда ҳам, футболчининг режаларида ҳам йўқ", - деди Кройф Mundo Deportivo билан суҳбатда.
Аввалроқ, бош мураббий Хави Эрнандес 25 ёшли футболчининг кетишига қарши чиққани маълум бўлганди.
