Нидерландия терма жамоаси ҳужумчиси Мемфис Депай терма жамоа бош мураббийи Луи ван Галнинг фаолияти ҳақида гапирди.
"Ван Галнинг ўйинимизга таъсири? Бу натижалардан кўриниб турибди. У мураббийимизга айланганидан бери бирорта ўйинда мағлубиятга учрамадик, жамоада интизом яхшиланди. Бу ҳамма учун жуда муҳим эди. Ҳар бир инсон унинг ўйинга бўлган қарашларини, ўзига хослигини ва ҳар хил ўйин услубига эга кучли жамоалар қуриш борасидаги фазилатларини билади. Ҳар ҳолда, унинг тафаккури ва ғалабага бўлган иштиёқи эвазига унинг қўл остидаги жамоалар муваффақиятга эришди. У жуда аниқ ғояларга эга ва уларни жамоага етказади", - деди Депай Mundo Deportivo нашрига.
