Англия терма жамоаси ярим ҳимоячиси Калвин Филлипс вингер Раҳим Стерлингни жамоага қайтганидан хурсанд. Эслатиб ўтамиз, Лондоннинг "Челси" клуби футболчиси уйига ўғри тушгани учун Лондонга қайтишга мажбур бўлган эди.
"Раҳим ақл бовар қилмайдиган футболчи. Албатта, у Англияга қайтиши керак эди. Якунда Стерлинг терма жамоага қайтганидан жуда хурсандмиз. Умид қиламанки, у бўлажак ўйинларда муҳим рол ўйнайди", - деди Филлипс матбуот анжуманида.
Эслатиб ўтамиз, эртага Тошкент вақти билан 00:00да Англия терма жамоаси Франция билан жаҳон чемпионатининг чорак финалида майдонга тушади.
