Аргентина терма жамоаси ҳужумчиси Хулиан Альварес Нидерландия терма жамоасига қарши жаҳон чемпионати 1/4 финал учрашуви арафасида журналистлар билан суҳбатлашди.

"Нидерландияда кучли футболчилардан ташкил топган яхши жамоа бор. Лекин биз ўз кучимизга ишонамиз ва ярим финалга чиқишни кутамиз. Жамоамиз қадамма-қадам олға интилмоқда. Биз учун дунёнинг энг яхши тўртта жамоаси қаторидан жой олиш жуда муҳим. Бу бизга ақл бовар қилмайдиган қувонч бағишлайди", - дея ҳужумчининг сўзларини келтиради ФИФА матбуот хизмати.

Нидерландия ва Аргентина ўртасидаги дуэл бугун, 9 декабрь куни бўлиб ўтади.