Мадриднинг «Атлетико» клуби ва Португалия терма жамоаси ҳужумчиси Жоау Феликс ўзини «Милан» ва «Реал»да тўп тепган афсонавий ўйинчи Кака билан таққослашлари ҳақида гапирди.
«Кака билан солиштириш? Менимча, бу ортиқча. Кака «Олтин тўп» соҳиби, у мумкин бўлган барча совринларни қўлга киритган. Мен эндигина фаолиятимнинг бошидаман. Аммо бундай таққослашларидан мамнунман», дейди 23 ёшли португалиялик.
Жоау жорий мавсум «матрасчилар» сафида Ла Лигада 12 та ўйинда майдонга тушиб, 3 та гол урди ва 3 та голли узатмани амалга оширди. Феликс айни дам Португалия терма жамоаси сафида ЖЧ-2022да ўйнамоқда.
