Марокаш терма жамоасининг энг машҳур футболчиларидан бири бўлган Ҳаким Зиеш ҳеч қачон терма жамоада ўйнагани учун пул олмаган.
Зиеш бу даромадини ҳар доим терма жамоа ходимларига, шунингдек, Марокашнинг камбағал оилаларига юборади. Бу ҳақда журналист Холид Бейдун ижтимоий тармоқларда гапирди.
Ҳаким Зиеш 2015 йилнинг октябрь ойида Марокаш терма жамоасида дебют қилган. Ўшандан бери вингер жамоа сафида 47 та ўйинда майдонга тушиб, 19 та гол урган ва 11 та голга ассистентлик қилган.
10 декабрь, шанба куни Марокаш терма жамоаси Португалияга қарши жаҳон чемпионати 1/4 финал учрашувини ўтказади.
