Тиаго Сильва Хорватия билан ЖЧ-2022 1/4 финали доирасида бўлиб ўтган учрашув ҳақида фикр билдирди.

Бразилияликлар Хорватияга мағлуб бўлди (1:1, пенальтилар бўйича 2:4) ва турнирни тарк этишди.

"Рақиб қандай бўлишидан қатъий назар, биз гол уришимиз керак эди. Хорватия ажойиб жамоа. Бизга кўпроқ хушёрлик керак эди. Биз бундай қарши ҳужумларга ўрганмаганмиз. Ўйлашимча, биз тартибсиз ўйнадик.

Биз тўпни йўқотдик ва қарши ҳужум уюштириш имконини бердик. Оғир. Аммо қайғуга қарамай, ҳаёт давом этиши керак. Мен йигитлар билан жуда фахрланаман, лекин бу футболнинг бир қисми.

Ҳозир гапириш қийин. Ҳаётимда нафақат терма жамоада, балки шахсий ҳаётимда ҳам турли қарорлар қабул қилганман.

Сиз интилган муҳим нарсани йўқотиш жуда оғриқли. Сиз ўзингизни тортиб олишга ва давом этишга ҳаракат қиласиз, бошқа вариантлар йўқ.

Ҳар йиқилганимда ўрнимдан турувчиман. Лекин, афсуски, футболчи сифатида бу кубокни кўтаролмайман. Ким билади дейсиз, балки кейинроқ бошқа ролда бошим узра баланд кўтарарман”, - деди Бразилия терма жамоаси сардори TV Globo телеканалига берган интервьюсида.