Хорватия терма жамоаси дарвозабони Доминик Ливакович терма жамоаси жаҳон чемпионатида қандай натижаларга эришаётгани ҳақида фикр билдирди.

Хорватлар пенальтилар сериясида Бразилиядан кўра кучлироқ ҳаракат қилиб, Қатар мундиалининг ярим финалига йўл олишди. Златко Далич жамоаси кетма-кет иккинчи бор жаҳон чемпионати финалига чиқишга бир қадам қолди.

"Бизда катта тажриба бор, биз охиригача курашишга ва бор кучимизни майдонда қолдиришга одатланганмиз - бу бизнинг ғалабалар рецептимиз", - дейди учрашувнинг энг яхши ўйинчиси учун мукофотни олган Ливакович. "Қўллаб-қувватлашлари бизга катта ёрдам берган мухлисларимизга ўз миннатдорчилигимни билдираман. Кўрамиз, қанчалик узоққа боришимиз мумкин", - дея қўшимча қилди дарвозабон.