Мадриднинг “Реал” клуби вингери Эден Азар Европа футболи билан хайрлашишга тайёр.
Бельгиялик футболчи аввалроқ январда кетиш ҳақида ўйламаслигини, аммо “Реал” раҳбарияти ундан буни талаб қилса, ёзда клубини ўзгартиришга рози бўлишини тан олганди.
Журналист Санти Ауннинг фикрича, Азар фаолиятини МЛСда давом эттириш варианти қизиқтирмоқда. 31 ёшли футболчи, агар муносиб таклиф тушса, мавсум охирида ўтишга тайёр.
Эден Азар Бельгия терма жамоасидаги фаолиятини якунлаганини маълум қилганди. Футболчининг "Реал" билан шартномаси 2024 йилгача мўлжалланган.