Футбол спортнинг шундай бир тури эканки, унга шайдо бўлган инсонлар ундаги ҳар бир майда элементларга ҳам эътибор қаратар экан. Зеро спортнинг бу тури шунинг учун ҳам миллионлар ўйини бўлса керак.

Собиқ шўролар даврида ўтказиладиган чемпионатнинг юқори лигаси “Олий Лига” деб аталар ва ўша Лигада бизни ягона жамоамиз “Пахтакор” қатнашган. Иттифоқ парчаланиб, мустақил давлатлар ўз миллий чемпионатини ўтказиб кела бошладилар.

Миллий чемпионатимиз бошланганига 21 йил тўлибдики, хали хамон биз “Олий Лига” номи билан юрибмиз, нима бизда лигани бошқа ном аташ мумкин эмасми, бу борада нега соҳа мутахассислари бош қотиришмайди. Миллий футболмизда бўлаётган хар бир ходисани интиқлик билан кузатиб бораман, лекин ҳеч ким, ҳеч бир мутахассис, бу борада ўз фикрини баён этмайди, нега!?... Шу “Олий лига” сўзи Сизга манзур келадими? Азиз мухлисим! Менга умуман маъқул келмайди яна билмадим... .

Замон ўзгариб, кундалик хаётимизга жарангдор, бугунги даврни намоён этувчи атамалар кириб келаяпти, нега энди биз улардан фойдаланмаймиз. Юқори Лигамизни шундай номлар билан аташ мумкинку?

Хорижий давлатларнинг юқори лигасига эътибор қаратсангиз хафасингиз келади, Россияда “Пример лига”, Испанияда “Ла лига”, Италияда “А Серия”, Германияда “Бундеслига”, Қатарда “Юлдузлар Лига”.

Фикримча, бизнинг юқори лигамизни номини ўзгартирадиган вақти келди, хатто кеч қолдик. Бу борада футболимиз мутассаддилари бош қотиришса мақсадга мувофиқ бўлар эди.

Хайрулло ВАСИЕВ