Хорватия терма жамоаси бош мураббийи Златко Далич кечаги жаҳон чемпионатининг чорак финалида Бразилия устидан қозонилган ғалабага жамоа сардори Лука Модричнинг ҳиссасини юқори баҳолади.
"Модрич 120 дақиқа ўйнади ва бизга ғалаба келтирди ва керакли вақтда ўйиндан кейинги серияда пеналтини ҳам голга айлантирди. У шунчаки ақл бовар қилмайдиган футболчи. Лука чарчамади ва тўхташни ўйламади. Мен уни қўшимча вақтда алмаштирмоқчи эдим, лекин у менга ўйнашга тайёрлигини айтди", - деди Далич ўйиндан кейин ўтказилган матбуот анжуманида.
Эслатиб ўтамиз, ярим финал босқичида Хорватия Аргентина билан ўйнайди. Учрашув 13 декабрь куни бўлиб ўтади.
