"Локомотив" ва "Динамо" ўйинидан ўтказилган матбуот анжумани самарқандликлар мураббийи Элдор Сакаев иштирок этди.

—Биринчи голни 3-дақиқада ўтказиб юборганимиздан кейин ўйинга белгиланган стратегиямиз бузилиб кетди. Ҳисобни тенглаштиришга ҳаракат қилдик, аммо бугун "Локомотив" кучли эди. Қисқача шуни айтишим мумкин.

— Самарқанд вилояти ҳокимлигида бўлган йиғилишда, жамоа мағлубиятга учрайдиган бўлса, Аҳмад Убайдуллаев истеъфога чиқиши мумкинлиги ҳақида гап бўлган экан. Бу ҳақда нима дея оласиз?
— Бундай гапни энди эшитиб турибман.

— Аҳмад Убайдуллаев жамоада молиявий муаммолар борлиги ҳақида гапирганди. Шунга қарамай, Асқар Жадигеровнинг жамоага 15 минг доллар эвазига қабул қилинди...
— Жамоанинг трансфер сиёсати билан жамоа раҳбарияти шуғулланади. Шунинг учун мен аниқ рақамлар ҳақида фикр билдира олмайман.

— Сирожиддин Сайфиев ҳозир нима учун захирада ўтириб қоляпти?
— У яхши ўйинчи. Лекин ҳозир жамоанинг ўйини услуби туфайли у асосий таркибга кира олмаяпти. Ҳозир асосий эътиборни ҳимоя қаратяпмиз. Ҳа, у тажрибали футболчи, ўтган йили ҳал қилувчи голларни киритганди.