Футбол бўйича Австрия терма жамоаси бош мураббийи, аввалроқ “Манчестер Юнайтед”да мураббий ва маслаҳатчи сифатида ишлаган Ральф Рангник “Манчестер Сити” ҳужумчиси Эрлинг Холанд ҳақидаги фикрлари билан ўртоқлашди.
“Эрлинг ҳозир унинг ёшидаги Лионель Месси ва Криштиану Роналдудан яхшироқ. Тарихда ҳеч қачон атиги 22 ёшда бўлган футболчида бундай кенг кўламли фазилатлар бўлмаган", - дея Рангник сўзларидан иқтибос келтиради France Football.
Эслатиб ўтамиз, Холанд 2022 йилнинг ёзида "Манчестер Сити"га ўтган эди. 22 ёшли норвегиялик ҳужумчи жорий мавсумда АПЛда 13 та ўйинда майдонга тушиб, 18 та гол урди ва 3 та голга ассистентлик қилди.
