Португалия терма жамоаси устози Фернанду Сантуш мундиални тарк этганидан сўнг, фаолиятини терма жамоада давом эттирмаса керак.
Португаллар чорак финалда 0:1 ҳисобида имкониятни бой бериб, Марокаш терма жамоаси қаршилигини синдира олмади. Инсайдер Фабрицио Романонинг сўзларига кўра, Сантушнинг ишдан бўшатилиши эҳтимоли ниҳоятда юқори, мутахассис яқин кунларда истеъфога чиқарилиши кутилмоқда.
Мураббийнинг ўзи бугунги муваффақиятсизликдан сўнг келажаги ҳақида аниқ бир нарса айтмади: "Эртага мен Лиссабонга учаман, у ерда келажагимни муҳокама қиламиз", - деди Португалия терма жамоасини 2014 йилдан буён бошқариб келаётган Сантуш.
