Англия терма жамоаси XXI асрда учинчи марта жаҳон чемпионатининг 1/4 финал босқичидан чиқиб кетди.
2022 йилги Жаҳон чемпионатида инглизлар ушбу босқичда Францияга мағлуб бўлишди (1:2) ва турнирни тарк этишди.
Чорак финалда Англия 2002 йилги жаҳон чемпионати ва 2006 йилги жаҳон чемпионатида ҳам мағлуб бўлган.
Охирги жаҳон чемпионатида британияликлар ярим финалгача етиб борган, бироқ ушбу босқичида Хорватияга енгилиб, турнирдан чиқиб кетишганди. 3-ўрин учун кечган баҳсда жамоа Бельгияга имкониятни бой берди. Бу XXI асрда Англия терма жамоаси жаҳон чемпионатидаги энг яхши натижаси эди.
