Харри Кейн ЖЧ-2022да “гол+пас” тизимида энг яхши 3 нафар футболчи қаторига кирди.

Англия терма жамоаси ҳужумчиси Қатарда бўлиб ўтаётган турнирнинг чорак финалида Францияга қарши ўйинда (1:2) пенальтидан гол урди.

Бу гол "Тоттенхэм" ҳужумчиси учун 2022 йилги жаҳон чемпионатидаги иккинчи гол бўлди, у шунингдек учта голли узатма ҳам амалга оширди.

Шу тариқа Кейн ЖЧ-2022да гол+пас тизими бўйича бешинчи очкони қўлга киритди ва турнирдаги иштирокини аллақачон якунлаган португалиялик ярим ҳимоячи Бруну Фернандеш билан бу борадаги учинчи ўринни бўлишиб турибди.

Килиан Мбаппе (5+2) биринчи, Лионель Месси (4+2) иккинчи ўринда.