Франция терма жамоаси бош мураббийи Дидье Дешам ЖЧ-2022 чорак финалида Англияга қарши ўйиндаги ғалабаси ҳақида фикр билдирди.
"Бу ажойиб. Бу катта ўйин бўлди, биз жуда кучли инглиз жамоасига дуч келдик. Лекин биз яна ўзимизни кўрсатдик. Ярим финалга қайтганимиз барча футболчилар учун ажойиб. Биз вақтни тўхтатиб, чоршанбагача завқланмоқчимиз.
Бизда тўғри менталитет, тўғри руҳий ҳолат бор ва бу шуни кўрсатади. Юрагимиз ва жасоратимиз билан пешқадамликни сақлаб қолдик.
Марокашга жиддий тайёргарлик кўрамиз. Бу жамоа ҳар қандай эътирофга лойиқ, бу ажабланарли эмас. Биз буни жуда жиддий қабул қиламиз", - деди Дешам.
Эслатиб ўтамиз, ярим финал Франция – Марокаш учрашуви 15 декабрь куни соат 00:00га белгиланган. Учрашув Ал-Хаур шаҳридаги "Ал-Байт" стадионида бўлиб ўтади. Бу жамоалар ўртасидаги биринчи расмий қарама-қаршилик бўлади.
