Оғир вазнда WBC йўналиши бўйича жаҳон чемпиони Тайсон Фюри Англия терма жамоасининг ЖЧ-2022 плей-офф босқичидаги муваффақиятсизлиги ҳақида фикр билдирди. Гарет Саутгейт шогирдлари жаҳон чемпионати чорак финалида Францияга мағлуб бўлди (1:2).
“Йигитлар, бошингизни кўтаринг. Сизда яна имконият бўлади. Биз жамоамизни нафақат ғалабалардан кейин, балки мағлубиятлардан кейин ҳам қўллаб-қувватлашимиз керак”, — деди британиялик боксчи ижтимоий тармоқларда.
Жаҳон чемпионатининг ½ финалида Франция турнирнинг асосий сенсацияси – Марокаш терма жамоаси билан тўқнаш келади.
