Гарет Саутгейт бошчилигидаги «Уч Шерлар» ўзларининг 2018 йилдаги натижаларини такрорлай олмади. Эндиликда, ярим-финалда Марокашга қарши Франция ҳаракат қилади. Харри Кейннинг пенальтилар сериясида йўл қўйган хатоси ҳаммасини тугашига сабаб бўлди. Қуйида инглиз ўйинчиларининг Франция билан ўйиндаги баҳолари келтириб ўтилади.
Жордан Пикфорд - 7
Пикфорд ўйин давомида Рабьо ва Жирунинг хавфли зарбаларини қайтарганди. Аммо Чуамени берган зарбанинг голга айланишида айнан «Эвертон» посбонини катта айби бор эди. У зарба берилаётган пайтда тўғри позиция танлай олмади. Шунингдек, реакция билдиришга кеч қолди. Шу сабабли, унга 7 очко берилди.
Харри Магуайр - 6
Ҳа, жисмоний жиҳатдан унда муаммо йўқ. Аммо жамоасининг ҳужумида узатаётган тўпларида ноаниқлик бор эди. Қолаверса, Магуайр Жирунинг ҳал қилувчи голини дарвозага жойланишида катта ёрдам берди.
Люк Шоу - 6
Дембеле ва Гризманн учун масъул қилинган қанот ҳимоячиси ўз ишини аъло даражада бажара олмади. Лекин ўйиннинг иккинчи қисмида бирмунча яхши ҳаракат қилди.
Деклан Райс - 6
Ҳимоядан ҳужумга тўпни етказиб бериш борасида Райсда муаммо йўқ эди. Аммо бирорта ҳал қилувчи узатмани ижро эта олмади.
Жордан Хендерсон - 6
Хендерсон ўз даражасида ҳаракат қилди. Ундан бундан ортиғини кутиш хато бўлар эди.
Кайл Уокер - 7
Уокер жамоаси ютқазди. Аммо у ўзига юкланган вазифанж уддалади – Мбаппени зарарсизлантириш.
Жон Стоунз - 6
Етарлича ишончли ўйин кўрсата олди. Аммо ҳимоядаги иккинчи голда унинг ҳам айби бор эди.
Жюд Беллингем - 6
Англиядаги яхшиланиб бораётган биргина футболчи у эди. Беллингем Чуамени зарбасига ҳалақит қилиши керак эди. Аммо...
Букайо Сака - 8
Кейннинг биринчи пенальтиси айнан «Арсенал» тарбияланувчисининг саъй-ҳаракатлари сабаб ишлаб олинганди. Биргина у майдонда ёрқин порлади.
Фил Фоден - 7
Ўйиннинг биринчи бўлимида уни кўрмадик. Аммо Англия ҳисобни тенглаштиргач, Фоден эркин ва ёрқин ҳаракат қилди.
Харри Кейн - 7
Пенальтини кўкка тепгани ҳали уни ойлар, балки, йиллар давомида қийнайди. Аммо иккинчи пенальтига қадар Кейн фантастик ўйнаётганди. Афсус, минг афсус...
ИСМАТОВ Ж.
