«Шўртан» 2022 йилни қарздорликсиз якунлашга эришди. Ва ниҳоят!

Биз клуб сметасига академия ва стадион прожекторлари масаласини киритгандик. Бунинг натижасида:

— академия қайта таъмирдан чиқди;
— академия фаолияти учун маблағ ажратила бошланди;
— академия нормал шароитда ишлашни бошлади;
— 400 люксдан 1300 га етказилди.

2023 йилнинг март ойига қадар прожектор янада яхшиланади. Биз 2022 йилнинг ёз ойидан бошлаб Ғузордаги ўйинларни шом вақтидан кейин ўтказишга эришдик. Майдон Про лига талабига тўла жавоб беради.

Академия, прожектор учун пул йўналтирилгач, «Шўртан»да кучли футболчилар жалб қилиш имкони табиийки бўлмади. Эвазига клуб биз истаётган даражадаги фаолиятга қайтди. Яхши менежер — стабил фаолиятдир. Футбол клубларининг ҳаммасида ҳам бундай менежерлар йўқ. «Шўртан»нинг ютуғи ҳозирча шунда. Клуб бор пулини футболчилар учун сарфлаб, Суперлига учун курашиши ҳам мумкин эди. Аммо у биринчи галда ботқоқдан чиқди, ўзига келишни бошлади, занжирли муаммоларга барҳам берди. Энди эса нормал академия ва тўғри бошқарув билан йилдан-йилга ўсиб бориш имкониятига эга.

Ўзбек футболига қўштирноқ ичидаги тажрибали футболчилардан иборат футболчилар тўдаси эмас, нормал даражада фаолият олиб борадиган профессионал футбол клублари зарур. Биз шу ғоя билан ишлаяпмиз. Фақат номигина профессионал бўлган футбол клубларини том маънода нормал клубларга айлантириш ўта қийин ва азобли кечаётганини каналимиз ўқувчилари билишлари керак.

Диёр Имомхўжаев.