Хорватия терма жамоаси бош мураббийи Златко Далич терма жамоанинг ЖЧ-2022 яримфиналидан ўрин олган Аргентинага қарши баҳси ҳақида гапирди.
«Биз ярим финалга чиқдик, бу Хорватия учун ажойиб ютуқ. Аммо энди биз кўпроқ нарсани хоҳлаймиз.
Аргентина терма жамоаси - Лионель Месси бошчилигидаги ажойиб жамоа. Бироқ улар ҳозир Хорватиядан кўра кўпроқ босим остида турибди. Бу уларнинг зарарига ишлаши мумкин.
Мен табиатан оптимистман ва футболчиларимга ишонаман. Улар юксак ўйин, кучли характер намойиш этишади, бу сифатларсиз ярим финалга чиқа олмасдик. Биз рақибга мослашмаймиз ва ўзимиз кўниккан футбол ўйнашга ҳаракат қиламиз», - дея мураббийнинг сўзларини келтирди Index.hr.
